Tre fëmijë në burg për shkak të grabitjes së armatosur

Tre fëmijë nga Hong Kongu janë dënuar me nga më shumë se tri vjet burgim pasi kanë bërë një grabitje me armë në një dyqan stolish.Duke mbajtur maska dhe kapela, dy djem dhe një vajzë nga 14 vjet, e kanë kërcënuar stafin e dyqanit me thika në shtator të vitit të kaluar duke vjedhur qafore të arta, byzylykë dhe gjësende tjera me vlerë prej 128.000 dollarësh.

Tani gjykatësi e ka shqiptuar dënimin për tre ‘kriminelët’ duke pohuar se kjo është në të mirën e shoqërisë. Pavarësisht se ata ishin të rinj, sulmi ka qenë shumë serioz për të kërkuar vendosje në ndonjë qendër korrektuese, prandaj gjykatësi vendosi që t’i dënojë ata me burg.

Njëri nga djemtë është dënuar me tri vjet e shtatë muaj, ndërsa vajza dhe djali tjetër, të cilët janë farefis, janë dënuar me nga tri vjet e pesë muaj.