KS i OKB-së më 7 nëntor miraton misionin EULEX

Këshilli i Sigurimit sipas të gjitha gjasave më 7 nëntor do të miratojë ardhjen e EULEX-it në Kosovë.

"Me vendimin e Këshillit të Sigurimit të Kombeve të Bashkuara do të përmbushen të tria kushtet për ardhjen e EULEX-it në të cilat ka insistuar presidenti i Serbisë Boris Tadiq", kanë thënë burime diplomatike për gazetën "Veçernje novosti" të Beogradit.

Tadiq ka thënë se EULEX është i pranueshëm për Serbinë me tri kushte: që misioni i BE të miratohet nga Këshilli i Sigurimit i OKB-së, të jetë neutral sa i përket statusit të Kosovës dhe që të mos zbatohet plani i Ahtisaarit.

Sipas gazetës, burimet diplomatike nuk kanë saktësuar se në cilën formë KS i OKB-së do të përmbushë kushtet e Tadiqit - a do të jetë kjo një rezolutë e re apo komunikatë - por kanë theksuar se kërkesat e kreut të shtetit të Serbisë do të respektohen.