"Ju shpall majmun dhe grua"!

Ndoshta fustani nuk ka qenë i madhësisë së përshtatshme apo moti nuk ka qenë me diell, por këta majmunë nuk kanë qenë edhe aq të lumtur pas kurorëzimit në një kopsht zoologjik të Kinës.
Majmunët jetojnë në provincën kineze Zhejiang. Dhëndri, shtatëvjeçari Wukong, siç edhe i ka hije, është një vit më i vjetër sesa e përzgjedhura e tij, majmunia Xiaoya.

Kopshti zoologjik ka organizuar martesën me shpresë që kjo do të tërheq vizitorët dhe mediat, megjithatë një veprim i këtillë kontrovers padyshim që do të ngacmojë shumë grupe të cilat luftojnë për të drejtat e kafshëve në vendin i cili është i njohur për ashpërsinë ndaj kafshëve, shkruan gazeta britanike Daily Mail.


Një kopsht zoologjik nga Shangai në vitin 2006 ka organizuar shoun e emëruar “Olimpiada e Kafshëve” dhe është paditur për egërsi ndaj këtyre qenieve. Edhe një vit më pas është organizuar shou i ariut i cili ka qenë i shtyrë që të vozis biçikletën.