Hamasi i gatshëm të bisedojë me Obamën

Grupi islamist palestinez Hamas është i gatshëm të bisedojë me presidentin e sapo zgjedhur të SHBA-ve.

Barack Obama duhet të komunikojë me Hamasin nëse dëshiron të adresojë konfliktin në Lindjen e Mesme, tha për mediat britanike përfaqësuesi i kësaj organizate.

Administrata amerikane e presidentit Bush ka bojkotuar grupin Hamas, pasi nuk ka pranuar të heqë dorë nga dhuna dhe nuk e njeh ekzistencën e shtetit izraelit.

Hamasi e ka cilësuar fitoren e Obamës si "një ndryshim i madh politik dhe psikologjik".

Në të tjera zhvillime Hamasi deklaori se nuk do të marrë pjesë në bisedimet e radhës për pajtim me Lëvizjen Fatah të presidentit Mahmud Abbas. Hamasi akuzon presidentin Abbas se ka dënuar qindra mbështetës në përpjekje për të dobësuar Hamasin. /radio evropa e lire/