Petraeus merr Komandën Qendrore Amerikane

Uashington, 31 tetor Gjenerali i armatës amerikane Deivid Petraeus sot do të vihet në krye të Komandës Qendrore Amerikane, e cila ka përgjegjësi për interesat ushtarake amerikane ne Lindjen e Mesme dhe për disa pjesë të Azisë jugore dhe qendrore. Sekretari i mbrojtjes, Robert Geits do të drejtojë ceremoninë e ndërrimit të komandës në selinë e komandës qendrore në Tampa Bay të Floridës, pa u bërë ende dy muaj, që kur Geits ishte në Bagdad në ceremoninë e kalimit të komandës se trupave amerikane në Irak nga Petraues te gjenerali Raj Odierno.