Gruevski në samitin e partive popullore evropiane

Kryeministri i Maqedonisë, Nikolla Gruevski, sot duhet të niset për në Bruksel në samitin e liderëve të partive popullore evropiane.

Sipas disa mediumeve, qëllimi themelor i udhëtimit të Gruevskit në Bruksel ka qenë që të takohet me sekretarin e përgjithshëm të NATO-s, Jaap de Hoop Scheffer, ndonëse nuk ka paralajmërime zyrtare për takimin.

Gruevski praktikisht do t`i bashkëngjitej ministrit të Mbrojtjes, Zoran Konjanovski, i cili prej dje po qëndron në Bruksel.

Konjanovski nuk realizoi takimin e caktuar me Schefferin, për shkak të problemeve me fluturimin e aeroplanit, me të cilin ka fluturuar ministri i Maqedonisë.

Sipas paralajmërimeve paraprake, Konjanovski sot duhet të takohet me ambasadorët e disa anëtareve të NATO-s.