87 vjecari perfundon kolegjin pas 50 vitesh

Clarence Garret sapo është diplomuar në histori në Universitetin e “Wisconsin-Milwaukee”. Më në fund, pas 50 vitesh, 87-vjeçari ka vënë në kornizë diplomën e shumëpritur. Gruaja, Mary së bashku me fëmijët, nipërit dhe mbesat e përgëzuan në ceremoninë e ditës së diel në “Cellular Arena” në Milwaukee, SHBA.

“Pasi të gjithë fëmijët e mi shkuan në kolegj, unë thashë: “Pse nuk duhet të shkoj dhe unë. Dhe më ka pëlqyer që nga ajo ditë”, thotë ai. Të diplomuarit e tjerë e përshëndetën me ovacione në sallën e diplomimit dhe rektori i universitetit i kushtoi një fjalim.

“Shkolla më ka pëlqyer që ditën e parë. E kam nisur dhe e kam lënë shpesh shkollën për shkak të përgjegjësive familjare. Por vitin e fundit i vura qëllim vetes të ndjek rregullisht”, thotë ai.
__________________