Lamtumira e fundit për ish-protagonisten e Big Brother

Mijëra njerëz i dhanë lamtumiren e fundit ish-protagonistes se "Big Brother" në Britani të Madhe, Jade Goody. Ata ishin mbledhur në një kishë baptiste në Essex, në lindje të Londrës për funeralin e 27-vjeçares, e cila vuante nga sëmundja e kancerit.
Vdekja e saj gjeti pasqyrim të gjerë në shtypin botëror, edhe për faktin se Goody pranoi të shiste në televizion ditët e fundit të jetës për të siguruar të ardhmen e dy djemve të saj.

Ceremonia e funeralit u transmetua në ekrane të mëdhenj, për të gjithë fansat e saj. Lule u hodhën nga të pranishmit në arkivolin e Goodyt, të njohur si vajza e keqe e reality shout anglez.

Ndonëse ishte pjesëtare në edicionin e “Big Brother” të vitit 2002, ajo tërhoqi vëmendjen pesë vite me pas për komentet raciste ndaj një aktoreje indiane, që më vonë kërkoi falje për fjalët e saj.