Dion shtyn një varg koncertesh

Celine Dion është detyruar t’i shtyjë disa koncerte të cilat duhej t’i mbante në Amerikën Veriore si pasojë e infeksionit respirator që i është përsëritur.
Këngëtarja e hitit “My Heart Will Go On” në fillim të këtij muaji ka anuluar pesë koncerte, ndërsa tani nën urdhrin e mjekëve është detyruar t’i anulojë edhe dhjetë koncerte tjera të cilat do të mbahen pasi këngëtarja të shërohet.

Mësohet se Dion është duke u mjekuar nga një infeksion i rrugëve të frymëmarrjes, i cili i është përsëritur, ndërsa së fundmi i janë inflamuar edhe kordat e zërit.