Valladollid përmbys epërsinë e Sevillas

Skuadra e Valladolid ka shënuar fitore 3-2 kundër Sevillas pas një drame të vërtetë, edhe pse ishte në disavatazh prej dy golash.

Sevilla e filloi shumë mirë ndeshjen duke shënuar dy herë në pjesën e parë me anë të Renatos (18’) dhe Navas (26’). Mirëpo gjithçka ndërroi kur në minutën e 35-të u përjashtua nga ndeshja Fabiano me kartonin e dytë të verdhë, dhe nga ky moment Valladolid e mori në dorë ndeshjen.

Pa përfunduar pjesa e parë (43’) Gonzales e ngushtoi epërsinë, ndërkohë që vetëm pesë minuta pas fillimit të pjesës së dytë Canobbio e barazoi rezultatin.

Ishte po i njëjti lojtar, Canobbio, ai i cili shënoi edhe golin e tretë (63’) dhe të fitores për Valladolid.