EULEX-i do të jetë operacional në dhjetor, tha Galak

Beograd, 31 tetor - Dialogu ndërmjet Serbisë dhe BE-së për sistemimin e EULEX-it në Kosovë po përparon dhe se ky mision do të jetë operacional në dhjetor, thotë Kristina Galak, zëdhënëse e përfaqësuesit të lartë të BE-së, Havier Solana. "Ka negociata ndërmjet Beogradit dhe Brukselit të cilat ne i quajmë dialog të përhershëm. Dialogu mes Serbisë dhe BE-së po zhvillohet për të gjitha çështjet bilaterale, përfshirë edhe EULEX-n", tha Galak, e cila shtoi se Solana në fillim të javës ka konfirmuar se po zhvillohen bisedime mes BE-së dhe Beogradit për sistimimin e misionit për shtypin serb. Sipas saj, në këtë dialog ka përparim dhe rikujton deklaratën e Solanës se pret sistemimin e EULEX-it në dhjetor. Galak theksoi për shtypin serb se misioni i EULEX bazohet në dokumentin 'Aksioni i përbashkët' nga muaji shkurt i këtij viti. Ky dokument qartë sqaron se misioni bazohet në rezolutën 1244 të KS të OKB. Kjo është bazë e sistemimit, dhe kështu do të vazhdojë, thotë Galak Në lidhje me njerëzit të cilët në emër të BE-së zhvillojnë bisedime për sistemimin e EULEX-it, Galak pohon se këshilltarët e Solanës rregullisht udhëtojnë në relacionin Bruksel-Beograd, se EULEX ka shefin e misionit, ekipin e ekspertëve dhe me këtë çështje merren edhe diplomatët.