Spalletti: Jam i rrezikuar!

Trajneri i Romës Luciano Spalletti ka pranuar se ai është duke e ndier presionin se ai është në rrezik për ta humbur punën e tij te Giallorosët, pasi skuadra pësoi edhe një humbje të radhës në Serie A.
“Jam i inatosur me ata që thonë se lojtarët nuk më dëgjojnë më. Nuk e di nëse ka përfunduar cikli i dështimeve, mirëpo ne duhet të vazhdojmë më tutje”.

“A jam i rrezikuar? Ndjej se po. Skuadra duhet të merret edhe me mua edhe me të tjerët. Megjithatë, unë do të vazhdoj punën time derisa nuk ndodh ndryshe”, ka thënë Spalletti.

Kryeqytetasit janë vetëm disa pikë me lartë zonës së rrezikut dhe duket se ambiciet e tyre për Scudetto janë shuar.