Arrin versioni i parë i Firefox për celularë

Shfrytëzuesit për të cilët Internet Explorer, Opera e Safari në versionet e tyre mobile nuk janë aq të mirë sa duhet, do t'i gëzohen lajmit se është paraqitur versioni i parë testues mobil i Firefox.
Firefoxi mobil tani për tani quhet Fennec dhe punon ekskluzivisht në Nokia N800 apo N810, mirëpo është e mundur që të instalohet edhe në versionin për Windows, Linux apo Mac OS X nëse veçse doni të zbaviteni me shfletuesin.

Mundësitë janë bukur të kufizuara, por mund të merret me mend se Fennez me kohë do t'i bëhet konkurrent i fuqishëm për Opera e Safari (Internet Explorer mobil është aq i keq sa që nuk dëshirojmë as ta përmendim).