OSBE: Ekzekutivi kontroll mbi gjyqësorin

Me një raport të detajuar prej 11 faqesh ambasadori i OSBE-së në Tiranë , Robert Bosch paraqiti të enjten përpara Këshillit të Përhershëm të OSBE situatën aktuale politike të Shqipërisë.

Në këtë raport, OSBE vëren me shqetësim, se procesi i reformës zgjedhore në vend, po ecën me ritme shumë të ngadalta.

OSBE vuri në dukje ndikimin e qeverisë ndaj prokurorisë për hetimin e tragjedisë së Gërdecit si dhe kontrollin e ekzekutivit ndaj gjyqësorit.

OSBE po ashtu i bën thirrje të bëjë kujdes me pronat dhe median dhe thekson KKRT jep vendime jo transparente.

Por përveç kritikave, raporti i OSBE-së vlerëson arritjen për Ligjin e policisë, si dhe rritjen ekonomike, që gjatë këtij viti është shënuar me 5%. Edhe pse ekonomia është rritur, nga ana tjetër, rritja e çmimeve shtoi "presionin" për inflacion të lartë.
Në raport, nuk lihet pa përmendur edhe ftesa që iu bë Shqipërisë për në NATO, në prill të këtij viti, të cilën OSBE e konsideron si një ngjarje madhore për Shqipërinë.